Saakaşvili erməni separatçısını tula adlandırdı – Video
Saakaşvili erməni separatçısını tula adlandırdı – Video
26 Oktyabr 2013 / 15:09 / Baxış sayı: 198
Oktyabrın 25-də Gürcüstanda ölkə prezidenti Mixeil Saakaşvili və
erməni fəal Vahan Çaxalyan arasında qalmaqal yaşanıb. Oxu.Az Regnum-a
istinadən xəbər verir ki, insident Axalkalakidə, yerli erməni kilsəsinin
həyətində baş verib. Burada şəhərə gəlmiş prezidenti Çaxalyan və onun
bir neçə tərəfdarı qarşılayıb. Çaxalyan məsafədən Saakaşviliyə nəsə
demək istəyir, lakin gürcü prezident ona yaxınlaşaraq sözünü deməsini
istəyir: “Siz bizim kilsələrimizi qaytarmaq istəmirsiniz. Bu gün orada
partladılmış erməni kilsəsi var” – deyə, Çaxalyan pis gürcü dilində
danışır və sonra rus dilinə keçərək, Mixeil Saakaşviliyə xatırladır ki,
onun prezidentliyi dövründə məktəblərdə erməni ədəbiyyatı dərslərinin
keçirilməsini ləğv ediblər. “Sən məni mühakimə etməlisən? Çaxalyan
Saakaşvilini mühakimə etməlidir?” – deyə, Saakaşvili rus dilində
danışmağa başlayır və sonra gürcü dilinə keçərək, Çaxalyanı Rusiya Baş
Kəşfiyyat İdarəsinin “sandıq tulası” adlandırır.
“Həbsxanadan çıxmış kriminal Çaxalyan Saakaşvilini mühakimə
etməlidir? Mən sənin kimilərdən dərs almaq fikrində deyiləm” – bəyan
edən Saakaşvili Axalkalaki üçün etdiklərini sadalayıb: Tbilisiyədək
dəmir yolu çəkib, kurort tikib, kənd təsərrüfatı texnikası gətirib, qaz,
işıq çəkib və ən əsası Rusiyanın buradakı bazasını çıxarıb. Çaxalyan
ona etiraz etmək istəsə də, Saakaşvili vurğulayıb ki, onun kimi
separatçıları dinləmək fikrində deyil.
rezidentin və onun mühafizəsinin təzyiqi altında Vahan Çaxalyan
ətrafındakı şəxslərlə birlikdə geri çəkilməyə və kilsənin həyətini tərk
etməyə başlayır, yaxınlıqda gedən Mixeil Saakaşvili isə onu “qorxaq
separatçı” adlandırıb. “Sənin kimilər burada çox idi, indi isə cəmi beş
nəfər qalıb. Belə ki, daha Rusiya Baş Kəşfiyyat İdarəsinin bazası burada
yoxdur” – deyə, Gürcüstan prezidenti erməni separatçısının ardınca
qışqırıb.
Qeyd edək ki, Vahan Çaxalyan bu ilin yanvarında gürcü parlamentinin
qəbul etdiyi əfv haqqında qanun əsasında azadlığa çıxıb. O zaman
Gürcüstan hökumətinin yeni qərarı prezidentdə kəskin narazılıq
doğurmuşdu və o, separatçı Çaxalyanın azadlığa buraxılmasının təhlükəli
olduğunu bəyan etmişdi.
Bizimxeber.az
Комментарии
Отправить комментарий